add post
  • Terai Nepal
  • २०७७ असार २८ गते, आईतवार १६:२२ मा प्रकाशित

सरिता गिरीले दर्ता गराइन्, पार्टी र सरकारविरुद्ध मुद्दा

काठमाडौं । सांसद सरिता गिरीले सर्वोच्‍च अदालतमा पार्टी र सरकारविरुद्ध मुद्दा दर्ता गराएकी छिन् ।

आफूलाई सांसद र पार्टीबाट निस्कासन गर्ने निर्णय अवैधानिक भएको भन्‍दै गिरीले सर्वोच्च अदालतमा आइतबार (आज) मुद्दा दर्ता गराएकी हुन् ।

“मलाई कारबाही गर्ने निर्णय अवैधानिक छ । त्‍यसकारण न्यायका लागि म अदालत आएकी हुँ ।’ मुद्दा दर्तापछि संक्षिप्त प्रतिक्रिया दिँदै गिरीले भनिन् ।

यस्तै उनले संसदीय दलको सिफारिसमा मात्र आफूलाई केन्द्रीय समितिले कारबाही गर्न सक्ने भन्दै पदाधिकारी बैठकबाट लिइएको निर्णय अवैधानिक भएको दाबीसमेत गरिन् ।

पार्टीको निर्देशनविपरीत लिम्यिाधुरासहितको नेपालको भूभाग समेट्ने गरी भएको संविधान संशोधन प्रस्तावलाई सच्याउनुपर्ने भन्दै संशोधन दर्ता गरेको र राष्ट्रहित विपरीत अभिव्यक्ति दिएको भन्दै उनलाई पार्टीले कारबाही गरेको थियो ।

Registration Open for Mr. & Miss Tharu 2020