आजदेखि रु. ५० का नयाँ नोट बजारमा आउँदै

३० असार, काठमाडौँ । नेपाल राष्ट्र बैंकले सोमबारबाट ५० रुपैयाँ दरका नयाँ नोट बजारमा ल्याउने भएको छ । राष्ट्र बैंकले सूचना सार्वजनिक जारी गर्दै ५० दरका नयाँ नोट बजारमा पठाउने जनाएको हो ।

संकेत नम्बर ज/८९०००००१ देखि ट/३३९९९९९९ सम्मको नयाँ नोट चलनचल्तीमा ल्याउन लागिएको नेपाल राष्ट्र बैंकले जनाएको छ ।

नयाँ नोटको अग्रभागमा बायाँतर्फ सगरमाथाको चित्र र दायाँतर्फ लालीगुराँसको छाप रहेको छ । नोटको तल्लो भागमा बोर्डरमा नोटको सिरियल नम्बर नेपालीमा २०७५ लेखिएको छ ।

नोटको पृष्ठ भागको मध्यमा अंग्रेजीमा नेपाल राष्ट्र बैंक, मध्यभागमा हिउँ चितुवाको चित्र रहेको नेपाल राष्ट्र बैंकले जानकारी दिएको छ ।

नोटमा तत्कालिन गर्भनर डा चिरञ्जीवि नेपालको दस्तखत रहेको छ । नयाँ गभर्नर महाप्रसाद अधिकारीको हस्ताक्षर रहेका नयाँ नोटहरु भने आगामी कार्तिकबाट बजारमा ल्याउने राष्ट्र बैंकले जनाएको छ ।

सम्बन्धित समाचार शीर्षकहर

चितवनमा खुल्यो बजार, ग्राहक नआउँदा भएन व्यापार

२०२०-०७-२७

साउन १५ बाट होटल, भदौ १ बाट हवाई उडान खुला गर्ने तयारी

२०२०-०७-२१

युवा उद्यमीको पिडा : दुःख गरेर ब्युताएको उद्योग फेरी बन्द हुनेहो की ?

२०२०-०७-२०