सौर्य सिंचाइ योजना प्रणाली प्रभावकारी

पर्सा , पंचगावाँ, ५ असार । सखुवाप्रसौनी गाउँपालिका–१ सथवलमा सौर्य सिंचाइ योजना प्रणाली प्रभावकारी देखिएको छ।

सौर्य सिंचाइ योजना प्रणाली कार्यक्रम काठमाडौंले सखुवाप्रसौनी–१ सथवलकी धनपतियादेवी थरुनीलाई १३ सय वाटको चारवटा सोलार प्यानल अनुदान सहयोगमा उपलब्ध गराएको थियो। अहिले सो सौर्य सिंचाइ योजनाबाट थरुनीले आफ्नो खेतमा सिंचाइ गर्नुका साथै अन्य किसानहरूको खेतमा पनि सिंचाइ गरेर मनग्य आम्दानी गर्दै छिन्।

थरुनीले दैनिक ५ जना किसानको खेतमा सौर्य सिंचाइ योजनाबाट सिंचाइ गर्दै आएको र त्यसबाट दैनिक २ हजार रुपैयाँ आम्दानी भइरहेको बताइन्। उनले आकाशे सिंचाइको भरमा परेका किसानहरूलाई सौर्य सिंचाइ योजना लाभदायक भएको बताइन्। प्रतिघण्टा रु २ सय भाडामा उनले सौर्य सिंचाइ सुविधा किसानहरूलाई उपलब्ध गराउँदै आएकी छन्। आफ्नो खेतमा यही प्रणालीबाट सिंचाइ गरेको र फुर्सदमा अन्य किसानहरूको पनि सामान्य खर्च लिई सेवा पु–याउँदै आएको उनले बताइन्।

सम्बन्धित समाचार शीर्षकहर

आलु बीऊको मूल्य तेब्बर वृद्धि हुँदा किसानहरु मारमा

२०२०-११-१२

धानमा नयाँ रोग देखापरेका कारण धान खेतमै सुक्न थालेपछि किसान चिन्तित

२०२०-०८-२५

पूर्वी चितवनको राप्तीमा १३२ केभी क्षमताको सवस्टेशन निर्माण

२०२०-०७-२९